Ги подготвувате за време на викендот и имате за цела недела, за оние моменти кога ве фаќа “криза” за нешто слатко и благо. За тоа колку се вкусни, нема да коментираме, ќе оставиме самите да се уверите.
Потребни состојки:
- 2 зрели бананите
- 5-6 суви урми (киснати во вода 20-тина минути)
- 2 супени лажици чија семе
- 2 супени лажици ленено семе
- 1 супена лажица мелен сончоглед
- 5 супени лажици сусам (не мора да биде мелен)
- малку цимет (по желба).
Начин на подготовка:
Најпрвин се блендираат бананите и урмите. Кога ќе бидат убаво измешани истурете ја смесата во подлабок сад и додадете го чиа семето, лененото семе, сончогледот, сусамот и на крај наросете со малку цимет. Мешајте убаво со голема лажица дури не добиете хомогена и еднолична смеса. Оставете ја смесата во фрижидер 10 минути. За тоа време ленот и чиа семето ќе апсорбираат од влагата и ќе ја поврзат смесата.
На мрсна хартија во поголем плех истурете ја смесата и со шпатула или голема лажица размачкајте ја насекаде подеднакво. Имајте на ум дека колку е потенка толку крекерите ќе бидат покрцкави.
Ставете го плехот во рерна на 100°С и сушете ги крекерите со подотворена врата околу половина час. Потоа извадете ги и исечете форми по ваша желба, па вратете ги повторно во рерна. Продолжете со дехидирање уште 1-2 часа во зависност од тоа колку крцкави сакате да бидат.
Овие крекери одлично се комбинираат со здрава домашна нутела или пак со домашен џем од малини и јагоди.
Уживајте!!!
Оваа смеса е доволна за околу 20-тина крекери, но сепак колку крекери ќе добиете зависи од тоа колкави ќе ви бидат формите кои ќе ги обликувате.
Можеби ќе ве интересира: Овесни колачиња со гоџи бобинки.
Повеќе здрави десерти пронајдете тука.
Аеробик и пилатес инструктор, Сопственик на FitLife Fitness Studio, Магистeр по фармација и диететика.
English